மடோனாவைத் திட்டிய பிரகாஷ் ராஜ்

படத்தில் நடிக்கும் நடிகர் – நடிகைகள், அந்தப் படத்தின் புரமோஷன் விழாக்களில் கலந்து கொண்டால்தான் தியேட்டருக்கு நாலு ரசிகர்கள் எக்ஸ்ட்ராவாய் வருவார்கள். ஆனால், அஜீத், நயன்தாரா போன்ற ஒருசிலர் அப்படி வருவதில்லை. ஆனாலும், அவர்களுடைய மார்க்கெட்டுக்கு பங்கம் எதுவும் வரவில்லை. ஆனால், ஜெய், தினேஷ் போன்ற நடிகர்களும் அதையே பின்பற்ற, கடும் கோபத்தில் இருக்கிறது தயாரிப்பாளர் தரப்பு. தனுஷ் இயக்கத்தில் நடித்துள்ள ‘பவர்பாண்டி’ படத்தின் புரமோஷனுக்கு மடோனா செபாஸ்டியன் வரவில்லை என்று முன்னரே செய்தி வெளியிட்டிருந்தோம். இதைக் கேள்விப்பட்ட தயாரிப்பாளர்கள் சங்க துணைத் தலைவர் பிரகாஷ் ராஜ், மடோனாவுக்கு போன் செய்து செமையாகத் திட்டியிருக்கிறார். அதற்கு மேலும் புரமோஷனில் கலந்து கொள்ளாமல் டிமிக்கி கொடுப்பாரா என்ன?